Runi bayu’ xiñá’ biliibi
lucualu’

ne guelaguidi bidaapa deche
ñeeu

ti biá’ na’ nisaguie

Pur xa bidxiña bíina’ xa’na’
yaga bi

Runi ca saa bindanu
ora ma zeguibanu neza ca
guie
ne dxi birugu bata na’ lu’
ora cuxhelu’ ladxidó’ ti bichu

Pur daniyuxi Chuipehua ne
riuunda xti’

Purti zedandá dxi bixhoze’
guielú gueela ma que zaná

ne guirá beleguí siaba ndaani’
guidxilayú
xa’na’ yú guirá’ zapa xilase

xti’ guirá biaani’ guyuu xaiba’

Purti guendanayeche’
yendeza ndaani’ ti bigaragu’

Pur xtipa bindaa nalu’ lugiá
guirá ni bitieeu

Pur ti lii nga Hamelín xti’
guendarutié

ne ni yenanda lii biniti ndaani’ gui’xhi’ cahui xti’ guirá ni ruzuba’ diidxa’

Pur ca dxi biitixhie’cabe
guenda xcuidilu’

Pur Kafka

Pur bixhozebida ta Chicu

Pur ca xpininu biiti bihui

Pur xa xtialu’ bixuuba’
ndaani’ guiigu’

ne ti guidi be’ñe’ cá galaa
deche

Purti guenda ranaxhii niru laa

ra caru’ ma gunanu xinga
donda

Pur ca saa rutipilu’ Nisa guixi
pur xubalase xtiá
bisindaabilu’ pur dxiña
yaga ne mantequiá

pur sa’ xti’ ca hindú

pur guirá’ dxi guzanu lade le’
xti’ Luxemburgo

Pur ca dxi biaadxu’ purti zacá
bitiee guxharu

pur guirá ni gunaxii lii dxi
biiya’dxidu guielulu’ sica
nanchi

Diuxquixepe lii

Esto es

Por el paliacate rojo que ciñó
tu frente
y los huaraches que tejieron
sobre tus pies
una mano de lluvia

Por el venado que lloraba
bajo el árbol del viento

Por la música que cantamos

a la hora de subir las piedras
Por el día que te heriste la mano
abriendo el corazón de un
molusco

Por las dunas de Chipehua
y su oración de granito

Porque vendrá el día padre
en que los ojos de la noche
deje de mirarnos

y las estrellas caigan sobre el
mundo
bajo tierra tendremos nostalgia
de la luz que existió en el
cielo

Porque la felicidad escondida
en un coyol

Por tus manos que sueltan su
fuerza

sobre las superficies que tiñes

Por ser el Hamelin de la
pintura

y perder a los que te seguían en el bosque oscuro de la
obediencia

Por el silencio que ahogó tu
infancia

Por Kafka

Por el abuelo Chico
y por la familia que mató
cochinos

Por la tía zapatera que cruzó
el río
con una estera de cocodrilo
sobre la espalda

Por el zapoteco que siempre
nos une
por cuidar los jardines de Oaxaca

Por tus silbidos a medio día
té en París

por tu arroz al vapor por la
miel con mantequilla

por la música hindú por las
caminatas en Luxemburgo

Por las ausencias que fueron
el color favorito del chapulín

Por todos aquellos que te
amamos
cuando vimos por primera
vez tus ojos de nanche

gracias